Футбол 17 Қаңтар, 2019 (0) (255)

Қазақстан құрамасының бас бапкері белгілі болды

Жаңа қызметке чехиялық маман тағайындалмақ

Футболдан Қазақстан құрамасының бас бапкері қызметіне чехиялық маман Михал Билек тағайындалды. Бұл туралы чехиялық маман арнайы өткізген баспасөз маслихатында айтты, деп хабарлайды iSport.cz.

Михал Билек бапкерлік қызметін "Теплица" клубында бастаған. Сондай-ақ өз елінде "Фастава Злина", "Хмел", "Виктория Пльзень", "Спарта" және "Высочина" клубтарында бапкер болған.

Коста-рика елінің "Картахинес", словакиялық "Ружоберок", грузиялық "Динамо" клубтарында бас бапкер болғандығы белгілі.

2002-2003 жылдары Чехияның он тоғыз жасқа дейінгі құрамын жаттықтырып Еуропа чемпионатының қола жүлдегері атанған. 2009 жылы Чехия құрамасының тізгінін ұстап бұл қызметті төрт жыл атқарды. Михал Билек баптайтын Чехия құрамасы Еуро-2012 додасының ширек финалында Португалияға есе жіберді.

Естеріңізге салсақ, бұған дейін Қазақстан құрамасының бас бапкері болған Станимир Стойлов өз еркімен қызметінен кеткен.

Қазақстан құрамасы алда өтетін Еуропа чемпионатына іріктеуде Бельгия, Ресей, Шотландия, Кипр және Сан-Марино құрамаларымен бір топта ойнайды.


Ұқсас жаңалықтар

Пікір қалдыру